"လော်ပန် ကုမ္ပဏီမိသားစု" မှ COVID-19 ကာကွယ်ဆေးဝယ်ရန် (၂၅)သိန်းကျပ်လှူဒါန်း
(၁၈.၁.၂၀၂၁) တနင်္လာနေ့တွင် COVID-19 ရောဂါကာကွယ်ဆေးဝယ်ယူရေး ရန်ပုံငွေအတွက်
ဦးအောင်ဝင်း + ဒေါ်ခင်ပြုံးဝင်း မိသားစု (လော်ပန်ကုမ္ပဏီ၊ ရွှေပင်ငွေပင် ဘီစကစ်စက်ရုံ) မှ
အလှူငွေ (၂၅) သိန်းကျပ် ထည့်ဝင်လှူဒါန်းခဲ့ပါသည်။ အလှူရှင်မိသားစုများမှ အလှူငွေကို ပေးအပ်လှူဒါန်းရာ အင်းစိန်မြို့နယ် COVID ကော်မတီမှ အလှူတော်ငွေကို လက်ခံခဲ့ကြပါသည်။ အဆိုပါ အလှူငွေများကို မြို့နယ် COVID ကော်မတီမှ တစ်ဆင့် မြန်မာ့စီးပွားရေးဘဏ် (COVID-19 ကာကွယ်ဆေးဝယ်ယူရေး ရန်ပုံငွေစာရင်း) သို့လွှဲပြောင်းပေးအပ်သွားမည်ဖြစ်ကြောင်း ဝမ်းမြောက်စွာ သိရှိရပါသည်။
အလှူရှင်မိသားစုများ၊ ဤကုသိုလ်ကောင်းမှုပွဲ ဖြစ်မြောက်အောင် နှိုးဆော်တိုက်တွန်းကြသူများနှင့် ဝေယျာဝစ္စဆောင်ရွက်ပေးကြသူများ အားလုံး အားလုံး
– အနာရောဂါ ကင်းရှင်းကြပါစေ။
– ကိုယ်ဆင်းရဲ ကင်းဝေးကြပါစေ။
– စိတ်ဆင်းရဲခြင်း ကင်းဝေးကြပါစေ။
ကပ်ကြီးသုံးပါးကျော်နင်းနိုင်ကြပြီး တရားထူး တရားမြတ်များကို ကျင့်ကြံပွါးများ အားထုတ်၍ လွယ်ကူစွာ ရရှိနိုင်ကြပါစေကြောင်း ဆုတောင်းမေတ္တာပို့သအပ်ပါသည်။